భారతదేశం, అక్టోబర్ 7 -- పండుగల సీజన్‌లో ప్రయాణికుల రద్దీని దృష్టిలో ఉంచుకొని సికింద్రాబాద్ - కాకినాడ టౌన్ మార్గంలో ప్రత్యేక రైళ్లను నడపాలని దక్షిణ మధ్య రైల్వే నిర్ణయించింది. పండుగలకు సొంతూర్లకు వెళ్లే ప్రయాణికులకు ఇబ్బంది కలగకుండా ఈ అదనపు సర్వీసులను అందుబాటులోకి తెచ్చింది.

ఈ ప్రత్యేక రైలు 2026 అక్టోబర్ 9న (శుక్రవారం) సాయంత్రం 07:25 గంటలకు సికింద్రాబాద్‌లో బయలుదేరి, మరుసటి రోజు (శనివారం) ఉదయం 08:00 గంటలకు కాకినాడ టౌన్ చేరుకుంటుంది.

తిరుగు ప్రయాణంలో ఈ రైలు 2026 అక్టోబర్ 10న (శనివారం) రాత్రి 09:00 గంటలకు కాకినాడ టౌన్‌లో బయలుదేరి, మరుసటి రోజు (ఆదివారం) ఉదయం 08:40 గంటలకు సికింద్రాబాద్ చేరుకుంటుంది.

ఈ ప్రత్యేక రైళ్లు ఇరువైపులా చర్లపల్లి, నల్గొండ, మిర్యాలగూడ, గుంటూరు, విజయవాడ, ఏలూరు, తాడేపల్లిగూడెం, రాజమండ్రి, సామర్లకోట స్టేషన్లలో ఆగుతాయి. ప్...