భారతదేశం, సెప్టెంబర్ 10 -- Toxic Losses: ప్రభాస్ నటించిన 'ఆదిపురుష్' ఎదుర్కొన్న రూ. 220 కోట్ల నష్టం కంటే 'టాక్సిక్' రూ. 230 కోట్ల పైచిలుకు నష్టాలతో బిగ్గెస్ట్ డిజాస్టర్‌గా నిలిచింది. రూ. 500 కోట్ల పైచిలుకు బడ్జెట్‌తో తెరకెక్కిన ఈ సినిమా ఇప్పటివరకు ప్రపంచవ్యాప్తంగా రూ. 339 కోట్ల గ్రాస్ మాత్రమే సాధించగలిగింది. కేజీఎఫ్ తో చరిత్ర సృష్టించిన యశ్ కు ఇంతటి దారుణమైన పరాభవం ఎందుకు?

బాహుబలి, కేజీఎఫ్ తరహాలోనే యశ్ నటించిన 'టాక్సిక్: ఎ ఫెయిరీ టేల్ ఫర్ గ్రోన్-అప్స్' పై ఇండియన్ సినిమా చరిత్రలోనే ముందెన్నడూ లేనంత అంచనాలు నెలకొన్నాయి. కేజీఎఫ్ 2 ప్రపంచవ్యాప్త విజయం తర్వాత ఏకంగా నాలుగేళ్ల పాటు వేచి చూసి యశ్ చేసిన సినిమా కావడం, దర్శకురాలు గీతు మోహన్ దాస్ మేకింగ్, భారీ తారాగణం ఉండటంతో ఇది సునాయాసంగా రూ. 1000 కోట్ల క్లబ్‌లో చేరుతుందని ట్రేడ్ వర్గాలు భావించాయి...