భారతదేశం, అక్టోబర్ 11 -- Tirumala Navaratri Brahmotsavam 2026 : కలియుగ ప్రత్యక్ష దైవం తిరుమల శ్రీ వేంకటేశ్వర స్వామివారి నవరాత్రి బ్రహ్మోత్సవాలు అత్యంత వైభవంగా ప్రారంభంకానున్నాయి. ఈ మహోత్సవాలకు అక్టోబరు 11వ తేదీ ఆదివారం రాత్రి శాస్త్రోక్తంగా అంకురార్పణ ఘట్టాన్ని నిర్వహించనున్నారు.

రాత్రి 7 గంటల నుండి 8 గంటల మధ్య శ్రీవారి ఆలయంలోని యాగశాలలో అర్చకులు ఈ వైదిక కార్యక్రమాన్ని పూర్తి చేస్తారు. వైఖానస ఆగమశాస్త్రం ప్రకారం తిరుమలలో నిర్వహించే ప్రతి వైదిక ఉత్సవానికి ముందు అంకురార్పణ చేయడం అనివార్యమైన ఆనవాయితీ. నవధాన్యాలను పాలికల్లో మొలకెత్తించి, భూమండలమంతా పాడిపంటలతో, పశుపక్ష్యాదులతో సుభిక్షంగా, పచ్చగా ఉండాలని భగవంతుడిని ప్రార్థించడమే ఈ క్రతువు యొక్క ముఖ్య ఉద్దేశం.

శ్రీవారి సర్వసైన్యాధ్యక్షుడు శ్రీ విష్వక్సేనుడు. ఈ సందర్భంగా శ్రీ విష్వక్సేనులవారిని...