భారతదేశం, ఆగస్టు 17 -- Tirumala Garuda Seva : కలియుగ వైకుంఠమైన తిరుమలలో శ్రీవారి ఆలయంలో గరుడ పంచమి పర్వదినాన్ని పురస్కరించుకుని ఆగస్టు 17వ తేదీ సోమవారంనాడు విశేష ఉత్సవాన్ని నిర్వహించేందుకు తిరుమల తిరుపతి దేవస్థానం (టీటీడీ) ఏర్పాట్లు పూర్తి చేసింది. ఈ పవిత్రమైన రోజున స్వామివారికి అత్యంత ప్రీతిపాత్రమైన గరుడ వాహనసేవ అంగరంగ వైభవంగా జరగనుంది. రాత్రి 7 గంటల నుంచి 9 గంటల వరకు శ్రీ మలయప్పస్వామివారు తన ఇష్టవాహనమైన గరుడునిపై అధిష్టించి, నాలుగు తిరుమాడ వీధులలో ఊరేగుతూ భక్తులకు దివ్య దర్శనాన్ని ప్రసాదిస్తారు.

తిరుమల క్షేత్రంలో ప్రతి ఏటా గరుడ పంచమి ఉత్సవాన్ని ఎంతో ఘనంగా, సాంప్రదాయబద్ధంగా నిర్వహిస్తారు. హిందూ సంప్రదాయంలో ఈ పండుగకు అత్యంత విశిష్టమైన ప్రాధాన్యత ఉంది. కొత్తగా వివాహమైన నూతన దంపతులు తమ వైవాహిక జీవితం ఎల్లప్పుడూ ఆనందదాయకంగా, మంగళకరంగా ఉండాల...