శిశువుల ఆహారంలో చక్కెర వద్దు: తొలి 6 నెలలు ఎందుకు కీలకమంటే?

భారతదేశం, అక్టోబర్ 26 -- పసిపిల్లల శారీరక, మానసిక వికాసానికి జీవితంలో తొలి ఆరు నెలల కాలం అత్యంత కీలకమైనది. ఈ సమయంలో పిల్లల మెదడు, శరీరం, రోగనిరోధక వ్యవస్థ సక్రమంగా అభివృద్ధి చెందడానికి అవసరమైన సరైన పోషకాహారం అందించాల్సి ఉంటుంది. తల్లిపాలు శిశువుకు కావలసిన అన్ని పోషకాలను, శక్తినిచ్చే సహజసిద్ధమైన 'లాక్టోజ్' అనే చక్కెరను అందిస్తాయి. తల్లిపాలు ఇవ్వలేని పరిస్థితుల్లో లేదా అదనపు ఆహారం అవసరమైనప్పుడు వైద్యుల సలహా మేరకు సరైన ఇన్‌ఫాంట్ ఫార్ములా అందించాలి. అయితే, పసిపిల్లల ఆహారంలో అనవసరమైన చక్కెరలను (Added Sugar) కలపడమే ఇప్పుడు తీవ్ర ఆందోళన కలిగిస్తోందని హైదరాబాద్ యశోద హాస్పిటల్స్ కన్సల్టెంట్ పీడియాట్రీషియన్, నియోనాటాలజిస్ట్ డాక్టర్ బి. ప్రశాంత్ బాబు స్పష్టం చేశారు.

పసిపిల్లలకు అందించే ఆహారంలో అదనపు చక్కెరను నివారించడం వెనుక పలు కీలక కారణాలు ఉన్నాయ...