భారతదేశం, సెప్టెంబర్ 16 -- రూ. 2,000 కంటే ఎక్కువ విలువైన యూపీఐ (UPI) డిజిటల్ చెల్లింపులపై రూ.5 ప్లాట్ మర్చంట్ డిస్కౌంట్ రేట్ (MDR) విధించడం పట్ల దేశవ్యాప్తంగా ఉన్న పెట్రోల్ బంకుల యజమానులు తీవ్ర నిరసన వ్యక్తం చేస్తున్నారు. తమకు లాభాల మార్జిన్ చాలా తక్కువగా ఉన్నందున ఈ అదనపు భారాన్ని భరించడం సాధ్యం కాదని, ప్రభుత్వం మినహాయింపు ఇవ్వకపోతే రూ.2,000 దాటిన యూపీఐ చెల్లింపులను పూర్తిగా నిలిపివేసి, కేవలం నగదు (Cash) మాత్రమే స్వీకరిస్తామని హెచ్చరిస్తున్నారు.

ఢిల్లీ ఎన్‌సీఆర్, పంజాబ్, ఉత్తరప్రదేశ్, ముంబై, కర్ణాటక, రాజస్థాన్ రాష్ట్రాలకు చెందిన డీలర్లు ప్రభుత్వ నిర్ణయంపై ఆందోళన వ్యక్తం చేస్తున్నారు. లీటరు పెట్రోల్ లేదా డీజిల్‌పై తమకు దక్కేది కేవలం రూ.2.40 నుంచి రూ.3.40 వరకు మాత్రమేనని, దీనిని కూడా ప్రభుత్వం, ఆయిల్ మార్కెటింగ్ కంపెనీలు (OMCలు) నిర్ణయిస్త...