భారతదేశం, అక్టోబర్ 29 -- దేశ రాజధానిలో మద్యం కొనుగోలు ప్రక్రియను క్రమబద్ధీకరించేందుకు ఢిల్లీ స్టేట్ ఇండస్ట్రియల్ అండ్ ఇన్‌ఫ్రాస్ట్రక్చర్ డెవలప్‌మెంట్ కార్పొరేషన్ (డీఎస్ఐఐడీసీ) కీలక నిర్ణయం తీసుకుంది. మద్యం ప్రియుల కోసం ప్రత్యేకంగా 'ఢిల్లీ లిక్కర్ బుకింగ్' (Delhi Liquor Booking) యాప్‌ను అందుబాటులోకి తెచ్చింది. ఈ యాప్ ద్వారా వినియోగదారులు నేరుగా ఆన్‌లైన్‌లోనే తమకు నచ్చిన బ్రాండ్లను ఎంచుకుని ఆర్డర్ చేసుకోవచ్చు. అయితే ఈ సేవల్లో ఒక ముఖ్యమైన నిబంధన ఉంది. ఆన్‌లైన్ ద్వారా మద్యం బుక్ చేసినప్పటికీ, దానిని నేరుగా ఇంటికి డెలివరీ చేయరు.

ఢిల్లీ అబ్కారీ (ఎక్సైజ్) నిబంధనల ప్రకారం, 25 ఏళ్లు ఆపైబడిన పౌరులు మాత్రమే ఈ యాప్‌ను వినియోగించుకోవడానికి అర్హులు. ఒక వ్యక్తి గరిష్టంగా 9 లీటర్ల విస్కీ, 18 లీటర్ల బీర్‌ను ఈ యాప్ ద్వారా బుక్ చేసుకోవచ్చు. మద్యం దుకాణాల వ...