భారతదేశం, అక్టోబర్ 14 -- హైదరాబాద్‌లోని హైటెక్స్ వేదికగా ఛాంబర్ ఆఫ్ కామర్స్ నిర్వహించిన గ్లోబల్ బిజినెస్ మీట్-2026 కార్యక్రమం ఘనంగా జరిగింది. ఈ అంతర్జాతీయ వాణిజ్య సదస్సును తెలంగాణ ముఖ్యమంత్రి రేవంత్ రెడ్డి ముఖ్య అతిథిగా హాజరై ప్రారంభించారు. ఈ సందర్భంగా ప్రపంచ నలుమూలల నుంచి వచ్చిన పారిశ్రామికవేత్తలు, వివిధ దేశాల ప్రతినిధులను ఉద్దేశించి సీఎం ప్రసంగించారు.

రాష్ట్రాన్ని ఆర్థికంగా అగ్రపథంలో నిలబెట్టేందుకు తమ ప్రభుత్వం స్పష్టమైన ప్రణాళికతో ముందుకు సాగుతోందని ముఖ్యమంత్రి వెల్లడించారు. 2025లోనే తెలంగాణ రైజింగ్ - 2047 విజన్ డాక్యుమెంట్‌ను ఆవిష్కరించామని గుర్తుచేసిన ఆయన రాబోయే ఐదేళ్లలో రాష్ట్ర ఆర్థిక వ్యవస్థను 1 ట్రిలియన్ డాలర్లకు, అలాగే 2047 నాటికి 3 ట్రిలియన్ డాలర్లకు చేర్చడమే తమ ప్రధాన ధ్యేయమని స్పష్టం చేశారు.

రాష్ట్రవ్యాప్తంగా సమతుల్య అభివృద్...