భారతదేశం, అక్టోబర్ 21 -- అంతర్జాతీయ ఇంధన మార్కెట్లో ముడిచమురు మంటలు మళ్లీ తీవ్రమయ్యాయి. ఇరాన్-అమెరికా మధ్య యుద్ధ వాతావరణం మరింత క్షీణించడం, సముద్ర మార్గంలో చమురు ట్యాంకర్లపై దాడులు పెరగడంతో సరఫరా వ్యవస్థ దెబ్బతింటుందనే భయాలు ఇన్వెస్టర్లను కలవరపెడుతున్నాయి. దీనికి తోడు అమెరికాలో క్రూడాయిల్ నిల్వలు అనూహ్యంగా పడిపోవడంతో బుధవారం ముడిచమురు ధరలు గ్యాలన్‌కు 2 డాలర్ల కంటే ఎక్కువ (2 శాతానికి పైగా) ఎగబాకాయి. దీంతో బ్రెంట్ క్రూడ్ ధర దాదాపు ఐదు నెలల గరిష్ఠ స్థాయికి సమీపంలో నిలిచింది.

రాయిటర్స్ కథనం ప్రకారం.. అంతర్జాతీయ ప్రామాణికమైన బ్రెంట్ క్రూడ్ ఫ్యూచర్స్ ధర బుధవారం జీఎమ్‌టీ కాలమానం ప్రకారం ఉదయం 10:48 గంటల సమయానికి $2.06 (1.9 శాతం) పెరిగి పీపాకు $110.85 వద్దకు చేరింది. మరోవైపు అమెరికా వెస్ట్ టెక్సాస్ ఇంటర్‌మీడియట్ (డబ్ల్యూటీఐ) క్రూడ్ ఫ్యూచర్స్ కూడా...