భారతదేశం, అక్టోబర్ 22 -- ఎటర్నల్ (Zomato మాతృసంస్థ) త్రైమాసిక ఫలితాల ప్రకటనతో మరోసారి వార్తల్లో నిలిచింది. సెప్టెంబర్ త్రైమాసిక (Q2FY27) ఆర్ధిక ఫలితాలను వెల్లడించిన సంస్థ, తన అద్భుతమైన రాబడితో ఆకట్టుకున్నప్పటికీ, నికర లాభం విషయంలో విశ్లేషకుల అంచనాలను అందుకోలేకపోయింది. ఇదే సమయంలో వినియోగదారుల గోప్యతకు ప్రాధాన్యమిచ్చే 'dark.ai' అనే ఏఐ అసిస్టెంట్‌ను ప్రారంభించబోతున్నట్లు ప్రకటించి మార్కెట్ వర్గాల దృష్టిని ఆకర్షించింది. ఎండ్-టు-ఎండ్ ఎన్‌క్రిప్షన్‌తో, స్వంత ఇన్‌ఫ్రాస్ట్రక్చర్‌పై పనిచేసే ఈ ఏఐ ప్లాట్‌ఫామ్ భవిష్యత్తులో కంపెనీకి ఎంతవరకు ఉపయోగపడుతుందో వేచి చూడాలని జెఫరీస్ ఇండియా నిపుణులు అభిప్రాయపడ్డారు.

ఎటర్నల్ ఆర్థిక ఫలితాలను పరిశీలిస్తే, కార్యకలాపాల ద్వారా వచ్చిన ఆదాయం నిరుటితో పోలిస్తే ఏకంగా 78 శాతం పెరిగి రూ. 24,138 కోట్లకు చేరింది. అయితే నిక...