భారతదేశం, ఆగస్టు 20 -- "నా విజయాలను చూసి నన్ను అంచనా వేయకండి, ఎన్నిసార్లు కిందపడ్డాను, పడిన ప్రతిసారీ తిరిగి ఎలా లేచి నిలబడ్డాను అనేదాని ఆధారంగానే నన్ను అంచనా వేయండి" అనే నెల్సన్ మండేలా మాటలు సాధారణ వ్యక్తిత్వ వికాస వాక్యం కాదు. తన నమ్మకాల కోసం ఏకంగా 27 ఏళ్ల పాటు జైలు జీవితాన్ని గడిపిన ఒక మహోన్నత నాయకుడి జీవితానుభవం నుంచి పుట్టుకొచ్చిన మహాసత్యం అది. మనిషి విలువను సాధించిన విజయాలతో కాకుండా, ఎదుర్కొన్న కష్టాలను అధిగమించిన తీరుతో కొలవాలనే ఒక సరికొత్త నిర్వచనాన్ని ఆయన ప్రపంచానికి అందించారు.

సాధారణంగా ఏ ప్రజా నాయకుడైనా లేదా సగటు మనిషైనా తమ ప్రతిభకు, సాధించిన విజయాలనే ప్రామాణికంగా చూపాలని కోరుకుంటారు. కానీ మండేలా ఆ ప్రమాణాన్ని స్పష్టంగా తిరస్కరించారు. విజయాలు అనేవి బయటకు కనిపించే చివరి ఫలితాలు మాత్రమే. ఆ స్థాయికి చేరుకోవడానికి వెనుక ఎంత శ్రమ ద...