భారతదేశం, నవంబర్ 20 -- అమెరికా అతిపెద్ద బ్యాంకింగ్ దిగ్గజం జేపీ మోర్గాన్ ఛేజ్‌కు సేవలందించే బయటి సంస్థల (థర్డ్-పార్టీ వెండర్లు)పై సైబర్ దాడి జరిగింది. ఈ ఘటనలో కొందరు బ్యాంక్ ఖాతాదారుల పేర్లు, ఈమెయిల్ చిరునామాలు హ్యాకర్ల చేతికి చిక్కినట్లు అనుమానిస్తున్నారు. నవంబర్ 19, గురువారం నాడు జేపీ మోర్గాన్ ఛేజ్ ఈ విషయాన్ని అధికారికంగా ధ్రువీకరించింది.

సాధారణంగా అంతర్జాతీయ బ్యాంకులు తమ మార్కెటింగ్, కస్టమర్ సపోర్ట్ వంటి పనుల కోసం బయటి ఏజెన్సీల సహాయం తీసుకుంటాయి. ఇలా జేపీ మోర్గాన్‌కు సేవలందిస్తున్న కొన్ని థర్డ్-పార్టీ సంస్థలను లక్ష్యంగా చేసుకుని సైబర్ నేరగాళ్లు దాడికి పాల్పడ్డారు. ఆయా సంస్థల వద్ద ఉన్న మార్కెటింగ్ డేటాను హ్యాకర్లు యాక్సెస్ చేసినట్లు ప్రాథమిక దర్యాప్తులో తేలిందని బ్యాంక్ వెల్లడించింది.

ఈ సైబర్ దాడి వల్ల ఎంతమంది ఖాతాదారుల సమాచారం బహిర్గ...