భారతదేశం, అక్టోబర్ 21 -- భారతీయ రిటైల్ ఇన్వెస్టర్లకు ప్రముఖ డిస్కౌంట్ బ్రోకింగ్ సంస్థ 'జెరోధా' (Zerodha) శుభవార్త అందించింది. కేవలం దేశీయ స్టాక్ మార్కెట్లకే పరిమితం కాకుండా, అంతర్జాతీయ స్థాయి టెక్ దిగ్గజ కంపెనీల్లో పెట్టుబడులు పెట్టేందుకు వీలుగా అమెరికా (యూఎస్) స్టాక్ మార్కెట్ విభాగాన్ని ప్రారంభించింది. తమ ప్రాచుర్యం పొందిన 'కైట్' (Kite) ప్లాట్‌ఫామ్‌లో బీటా (Beta) మోడ్‌లో ఈ సేవలను ప్రారంభించినట్లు ప్రకటించింది. దీని ద్వారా మెటా, అమెజాన్, గూగుల్, మైక్రోసాఫ్ట్ వంటి గ్లోబల్ దిగ్గజ కంపెనీల షేర్లతో పాటు ఎక్స్ఛేంజ్ ట్రేడెడ్ ఫండ్స్ (ETFs)లో భారతీయ ఇన్వెస్టర్లు సులువుగా పెట్టుబడులు పెట్టవచ్చు.

ఈ నూతన విధానం ద్వారా దాదాపు 2,000 అమెరికా నమోదిత (US-listed) కంపెనీలు, సుమారు 1,000 ఈటీఎఫ్‌లలో ఇన్వెస్ట్ చేసే వెసులుబాటు లభిస్తుంది. ముఖ్యంగా 'ఫ్రాక్షనల్ ...