భారతదేశం, జూన్ 7 -- ఖగోళ ప్రియులకు ప్రకృతి అద్భుతమైన కానుకను అందించబోతోంది. అనంత విశ్వంలో మరో అరుదైన దృశ్యం ఆవిష్కృతం కానుంది. సౌర కుటుంబంలోనే అత్యంత ప్రకాశవంతమైన రెండు గ్రహాలు పక్కపక్కనే దర్శనమివ్వబోతున్నాయి. ఈ అద్భుత గ్రహ సంగమాన్నే ఖగోళ పరిశోధకులు, జ్యోతిష్య నిపుణులు 'కాస్మిక్ కిస్' అని పిలుస్తున్నారు. జూన్ 8, 9 తేదీల్లో ఈ అరుదైన ఖగోళ వింతను మన దేశం నుంచే కాకుండా ప్రపంచవ్యాప్తంగా వీక్షించే అవకాశం లభించనుంది.

శాస్త్రీయ పరిభాషలో చెప్పాలంటే.. ఆకాశంలో రెండు లేదా అంతకంటే ఎక్కువ గ్రహాలు ఒకే రేఖపైకి వచ్చి, అత్యంత సమీపంలో కనిపించడాన్ని 'ప్లానెటరీ కంజంక్షన్' లేదా 'గ్రహ సంగమం' అని పిలుస్తారు. ప్రస్తుతం మనకు ఆకాశంలో అత్యంత కాంతివంతంగా మెరిసే గురు గ్రహం, శుక్ర గ్రహం ఒకే సరళరేఖపైకి రాబోతున్నాయి.

భూమి నుంచి చూసే దృక్కోణం వల్ల ఇవి కేవలం 2 డిగ్రీల అం...