భారతదేశం, అక్టోబర్ 6 -- భారతదేశంలో కార్ల ఇంధన వినియోగానికి సంబంధించి కేంద్ర ప్రభుత్వం కీలక నిర్ణయం తీసుకుంది. కార్ల సగటు ఇంధన సామర్థ్యాన్ని పెంచేందుకు 'కార్పొరేట్ యావరేజ్ ఫ్యూయల్ ఎకానమీ' (కేఫ్-3) మూడో విడత నిబంధనలను కేంద్ర విద్యుత్ మంత్రిత్వ శాఖ సెప్టెంబర్ 29న అధికారికంగా ప్రకటించింది. ఎనర్జీ కన్జర్వేషన్ యాక్ట్ 2001 కింద రూపొందించిన ఈ నూతన నిబంధనలు 2027 ఏప్రిల్ 1 నుంచి అమల్లోకి వచ్చి, 2032 మార్చి 31 వరకు అమలులో ఉంటాయి.

దేశంలో రవాణా రంగానికి అవసరమయ్యే చమురు వినియోగంలో ప్రయాణీకుల వాహనాలు ప్రధాన పాత్ర పోషిస్తున్నాయి. 2017 నుంచి అమలు చేస్తున్న కేఫ్ నిబంధనల ద్వారా కార్ల ఇంధన వినియోగాన్ని తగ్గించడం, దాంతో పాటు కార్బన్ ఉద్గారాలను నియంత్రించడం ప్రభుత్వ ప్రధాన లక్ష్యంగా ఉంది. నూతన నిబంధనల ప్రకారం రాబోయే ఐదేళ్లలో కార్ల తయారీ సంస్థలు తమ వాహన శ్రేణి...