భారతదేశం, అక్టోబర్ 23 -- ఐఐటీ హైదరాబాద్ కేవలం విద్య, వృత్తిపరమైన నైపుణ్యాలకే పరిమితం కాకుండా విద్యార్థులలో మానవతా విలువలు, సామాజిక బాధ్యత, వ్యక్తిత్వ వికాసాన్ని పెంపొందించే దిశగా ఒక చారిత్రాత్మక అడుగు వేసింది. దేశంలోనే తొలిసారిగా "మంచితనం" (Goodness) అనే అంశంపై క్రెడిట్ పొందేందుకు వీలుగా ఒక ప్రత్యేక అకడమిక్ కోర్సును ప్రారంభించింది.

"గుడ్‌నెస్: క్యారెక్టర్, రెస్పాన్సిబిలిటీ అండ్ హ్యూమన్ ఫ్లోరిషింగ్" (Goodness: Character, Responsibility and Human Flourishing - LA2270) పేరుతో ఈ ఒక క్రెడిట్ (1-Credit Elective) ఆప్షనల్ కోర్సును అధికారులు ప్రవేశపెట్టారు.

ఈ కోర్సును బి.టెక్ ఫస్ట్ ఇయర్ నుంచి ఫైనల్ ఇయర్ వరకు, బి.డిజైన్ (BDes) చదువుతున్న విద్యార్థులందరూ ఎంచుకోవచ్చు. దీనికి ఎలాంటి ముందస్తు అర్హతలు అవసరం లేదు. ఐఐటీ హైదరాబాద్ విడుదల చేసిన ప్రకటన ప్ర...