భారతదేశం, అక్టోబర్ 26 -- బంగాళాఖాతంలో ఏర్పడిన 'అర్నబ్' తుఫాన్ వేగంగా తీరం వైపు దూసుకొస్తోంది. తూర్పు మధ్య, దానిని ఆనుకుని ఉన్న ఆగ్నేయ బంగాళాఖాతంలో కేంద్రీకృతమైన ఈ తుఫాను గడిచిన ఆరు గంటల్లో పశ్చిమ-వాయువ్య దిశగా పయనించినట్లు భారత వాతావరణ శాఖ (ఐఎండీ) సోమవారం ఓ ప్రకటనలో వెల్లడించింది. ఇది మరింత బలపడి 'అతి తీవ్ర తుఫాను'గా రూపాంతరం చెంది.. అక్టోబర్ 28 నాటికి ఆంధ్రప్రదేశ్ తీరాన్ని తాకే అవకాశముందని స్పష్టం చేసింది.

అక్టోబర్ 28 ఉదయానికి ఈ తుఫాను పశ్చిమ మధ్య బంగాళాఖాతంలోకి చేరుకుని ఆంధ్రప్రదేశ్ తీరానికి సమీపిస్తుంది. "అక్టోబర్ 28న మధ్యాహ్నంలోగా బాపట్ల - విశాఖపట్నం మధ్య (యానాం తీరంతో కలిపి) అతి తీవ్ర తుఫాను రూపంలో ఇది తీరం దాటే అవకాశం ఉంది. ఆ సమయంలో గంటకు 115 నుంచి 125 కిలోమీటర్ల వేగంతో ఈదురుగాలులు వీస్తాయి. కొన్ని సందర్భాల్లో గాలుల వేగం గరిష్ఠంగా ...