భారతదేశం, అక్టోబర్ 21 -- భారతదేశంలోనే అతిపెద్ద ప్రభుత్వ రంగ బ్యాంక్ అయిన 'స్టేట్ బ్యాంక్ ఆఫ్ ఇండియా' (ఎస్‌బీఐ) డిజిటల్ భద్రతా వ్యవస్థలోకి సైబర్ నేరగాళ్లు చొరబడ్డారు. ఈ సైబర్ దాడి కారణంగా సుమారు 3,897 మంది ఖాతాదారులకు చెందిన సున్నితమైన వ్యక్తిగత సమాచారం డార్క్ వెబ్‌లో ప్రత్యక్షమైనట్లు బ్యాంక్ వర్గాలు బుధవారం వెల్లడించాయి.

బ్యాంకు నిర్వహించిన ప్రాథమిక విశ్లేషణ ప్రకారం... లీకైన డేటాలో ఖాతాదారుల పేర్లు, మొబైల్ నంబర్లు, పుట్టిన తేదీలు, ఈమెయిల్ ఐడీలు, నివాస చిరునామాలు ఉన్నాయి. వీటితో పాటు బ్రాండ్, కస్టమర్ ఐడెంటిఫైయర్లు, రుణాలు (లోన్లు) తీసుకున్న వివరాలు కూడా డార్క్ వెబ్‌లోకి చేరినట్లు ఎస్‌బీఐ నిర్ధారించింది.

ఈ సమాచార చోరీ తీవ్రతను, దాడి ఏ స్థాయిలో జరిగిందనే అంశాన్ని పరిశీలించేందుకు ఒక స్వతంత్ర సైబర్ సెక్యూరిటీ ఏజెన్సీని నియమించినట్లు బ్యాంక్ ...