భారతదేశం, అక్టోబర్ 3 -- తెలంగాణ సాంస్కృతిక వైభవానికి నిదర్శనమైన బతుకమ్మ పూల పండుగను ఈ నెల 10వ తేదీ నుంచి 18వ తేదీ వరకు రాష్ట్రవ్యాప్తంగా అత్యంత వైభవంగా నిర్వహించేందుకు ప్రభుత్వం సన్నాహాలు చేస్తోంది. ఈ వేడుకల నిర్వహణ, భద్రత, కల్పించాల్సిన వసతులపై రాష్ట్ర ప్రభుత్వ ప్రధాన కార్యదర్శి (సీఎస్) సంజయ్ జాజు సచివాలయంలో ఉన్నత స్థాయి సమీక్ష సమావేశం నిర్వహించారు. ఈ సమావేశంలో వివిధ శాఖల కార్యదర్శులు, పోలీసు ఉన్నతాధికారులు పాల్గొన్నారు.

ఈ సమీక్ష అనంతరం సీఎస్ మాట్లాడారు. ఈ నెల 18న జరిగే 'సద్దుల బతుకమ్మ' ను పురస్కరించుకుని ట్యాంక్ బండ్‌పై వేలాది మంది మహిళల భాగస్వామ్యంతో గ్రాండ్ ఫినాలే నిర్వహించనున్నట్లు ఆయన వెల్లడించారు.

సద్దుల బతుకమ్మ రోజున సాయంత్రం 4 గంటలకు సచివాలయం ఎదురుగా ఉన్న అమరవీరుల స్మారక కేంద్రం నుంచి వేలాది మంది మహిళలు బతుకమ్మలతో ర్యాలీగా బయలు...