అధిక పెన్షన్‌పై బొంబాయి హైకోర్టు కీలక తీర్పు.. ప్రైవేట్ ఉద్యోగులకు భారీ ఊరట

భారతదేశం, అక్టోబర్ 24 -- ఉద్యోగుల పెన్షన్ పథకం (ఈపీఎస్-95) కింద అధిక పెన్షన్ పొందాలని భావిస్తున్న ప్రైవేట్ రంగ ఉద్యోగులకు బొంబాయి హైకోర్టులో బిగ్ రిలీఫ్ లభించింది. కంపెనీల ప్రావిడెంట్ ఫండ్ (పీఎఫ్) ట్రస్ట్ నిబంధనలలో పరిమితులు ఉన్నాయనే ఏకైక కారణంతో ఉద్యోగులు సమర్పించిన జాయింట్ ఆప్షన్ దరఖాస్తులను నిరాకరించే హక్కు ఈపీఎఫ్ఓకు లేదని న్యాయస్థానం తేల్చిచెప్పింది.

ఇటీవల (అక్టోబర్ 19, 2026న) వెలువరించిన తీర్పులో జస్టిస్ సందీప్ వి. మార్నె ధర్మాసనం ఈ కీలక వ్యాఖ్యలు చేసింది. యాబాట్ ఇండియా, టాటా కమ్యూనికేషన్స్, రేమండ్ స్టీల్, బీఈఎస్టీ అండర్‌టేకింగ్ వంటి ప్రముఖ సంస్థలకు చెందిన 40 మందికి పైగా ప్రైవేట్ ఉద్యోగుల దరఖాస్తులను తిరస్కరిస్తూ ఈపీఎఫ్ఓ ఇచ్చిన ఉత్తర్వులను కోర్టు కొట్టివేసింది. బాధితులు దాఖలు చేసిన జాయింట్ ఆప్షన్ అప్లికేషన్లను పునఃపరిశీలించి, రాబోయే...