భారతదేశం, ఏప్రిల్ 4 -- టాటా మోటార్స్ తన ఎలక్ట్రిక్ వాహనాల శ్రేణిని మరింత విస్తరిస్తూ, ఎంతో కాలంగా ఎదురుచూస్తున్న 'సఫారీ ఈవీ'ని భారత మార్కెట్​లోకి తీసుకురాబోతోంది. తాజా నివేదికల ప్రకారం.. ఈ కొత్త మోడల్ 2026 దీపావళి పండుగ సీజన్ కంటే ముందే విడుదల కానుంది. టాటా బ్రాండ్ నుంచి వస్తున్న మొట్టమొదటి 7-సీటర్ ఎలక్ట్రిక్ ఎస్‌యూవీగా ఇది రికార్డు సృష్టించబోతోంది. ప్రస్తుతం టాటా ఫ్లాగ్‌షిప్ ఎలక్ట్రిక్ కారుగా ఉన్న హారియర్ ఈవీ స్థానాన్ని ఇకపై సఫారీ ఈవీ భర్తీ చేస్తుంది. ఈ కారు ప్రొడక్షన్ ప్రక్రియను 2026 ఆగస్టు నాటికి ప్రారంభించాలని కంపెనీ లక్ష్యంగా పెట్టుకుంది.

అంతర్గతంగా 'టైరోనా' అనే కోడ్ నేమ్‌తో పిలుస్తున్న ఈ సఫారీ ఈవీ, హారియర్ ఈవీలో ఉపయోగించిన 'acti.ev+' ఆర్కిటెక్చర్‌పైనే ఆధారపడి ఉంటుంది. ఇది పూర్తిస్థాయి 'బోర్న్-ఈవీ' కాకపోయినప్పటికీ, ఐసీఈ నుంచి ఈవీగా ...