భారతదేశం, ఏప్రిల్ 24 -- "విజయం అంటే కేవలం బ్యాంకు బ్యాలెన్స్ పెంచుకోవడం కాదు.. ఆ విజయాన్ని అందుకునేందుకు కావలసిన స్వేచ్ఛను కలిగి ఉండటం."

జాతి వివక్షపై పోరాడి, దక్షిణాఫ్రికా దశను మార్చిన మహనీయుడు నెల్సన్ మండేలా చెప్పిన ఈ మాటలు ఎప్పటికీ మార్గదర్శకంగా నిలుస్తాయి. ఆర్థిక వ్యవస్థలు ఎంత బలంగా ఉన్నా, సామాన్యుడికి అవకాశాలు అందనప్పుడు ఆ సంపదకు అర్థం ఉండదని మండేలా ఏనాడో గుర్తించారు.

దక్షిణాఫ్రికాలో వర్ణ వివక్షను రూపుమాపేందుకు మండేలా తన జీవితాన్ని ధారపోశారు. 27 ఏళ్ల సుదీర్ఘ జైలు జీవితం ఆయన సంకల్పాన్ని మరింత దృఢం చేసింది. 1994లో ప్రజాస్వామ్య పద్ధతిలో ఎన్నికైన తొలి నల్లజాతీయుడిగా ఆయన బాధ్యతలు చేపట్టినప్పుడు, కేవలం అధికారాన్ని మార్చడం మాత్రమే ఆయన లక్ష్యం కాదు. సమాజంలో ప్రతి వ్యక్తికీ గౌరవం, సమాన అవకాశాలు కల్పించడం కోసం ఆయన పరితపించారు. నోబెల్ శాంతి బ...