భారతదేశం, ఆగస్టు 1 -- భారత మార్కెట్లో ఎస్‌యూవీ ప్రియుల కోసం ప్రముఖ ఆటోమొబైల్ సంస్థ ఎంజీ మోటార్ సరికొత్త మోడల్‌ను సిద్ధం చేస్తోంది. త్వరలోనే 'హెక్టార్ హాక్' పేరుతో ఒక పవర్‌ఫుల్ ఎస్‌యూవీని భారత మార్కెట్లో విడుదల చేయడానికి సన్నాహాలు చేస్తోంది. ముఖ్యంగా ఎలక్ట్రిక్ , ప్లగ్-ఇన్ హైబ్రిడ్ అనే రెండు పర్యావరణ హిత పవర్‌ట్రెయిన్ ఎంపికలతో వస్తుండటం ఈ కారు ప్రత్యేకత. తమ సెగ్మెంట్‌లో ఈ రెండు ఆప్షన్లతో వస్తున్న అత్యంత అరుదైన మోడళ్లలో ఇది ఒకటిగా నిలవనుంది.

గ్లోబల్ మార్కెట్లో మంచి గుర్తింపు పొందిన 'వూలింగ్ స్టార్‌లైట్ 560' మోడల్ ఆధారంగా దీనిని రూపుదిద్దింది. ఇప్పటికే పలుమార్లు భారత రోడ్లపై టెస్టింగ్ జరుపుకుంటూ ఈ కారు కెమెరాలకు చిక్కింది. ఎంజీ సంస్థ సరికొత్తగా అభివృద్ధి చేసిన 'అడాప్ట్' ప్లాట్‌ఫామ్‌పై నిర్మిస్తున్న ఈ మోడల్.. భవిష్యత్తులో కంపెనీకి ఫ్లాగ్‌షిప...