భారతదేశం, సెప్టెంబర్ 21 -- భారతీయ మధ్యతరగతి కుటుంబాలకు అత్యంత ఇష్టమైన మారుతీ సుజుకీ వ్యాగన్​ఆర్ ఇప్పుడు ఫేస్​లిఫ్ట్ రూపంలో అలరించేందుకు సిద్ధమవుతోంది. భారత రహదారులపై ఈ ఫేస్‌లిఫ్ట్ మోడల్ రోడ్డు పరీక్షలు జరుపుతూ కెమెరాలకు చిక్కింది. భారీ కవర్లతో దాచి ఉంచినప్పటికీ, కొత్త మోడల్‌లో కీలకమైన డిజైన్ మార్పులతో పాటు విప్లవాత్మక సాంకేతిక అప్‌డేట్లు రానున్నట్లు స్పష్టమవుతోంది.

2019లో మార్కెట్లోకి వచ్చిన మూడో తరం వ్యాగన్​ఆర్​కు 2022లో చిన్నపాటి మార్పులు చేశారు. ఇప్పుడు రానున్నది న్యూ జెన్ కారు కాకపోయినప్పటికీ, అంతకంటే మెరుగైన ఆకట్టుకునే మార్పులతో కస్టమర్ల ముందుకు రాబోతోంది.

వ్యాగన్​ఆర్​కే ప్రత్యేకమైన 'టాల్-బాయ్' రూపకల్పనను కంపెనీ యథాతథంగా కొనసాగిస్తోంది. కారు ఎత్తు, వెడల్పు క్యాబిన్ లోపల విశాలమైన స్పేస్​ అందిస్తాయి. ఫ్రంట్ లుక్ విషయానికి వస్తే సన్నట...