భారతదేశం, నవంబర్ 1 -- రిటైర్మెంట్ తర్వాత ప్రతినెలా వచ్చే పింఛన్ కోసం ఎదురుచూసే వయోవృద్ధులకు, విశ్రాంత ఉద్యోగులకు ఊరటనిచ్చే వార్త. ఎంప్లాయీస్ పెన్షన్ స్కీమ్ (ఈపీఎస్) పరిధిలోకి వచ్చే పెన్షనర్లు ఇకపై తమ వార్షిక జీవిత ప్రమాణ పత్రాన్ని (డిజిటల్ లైఫ్ సర్టిఫికెట్- జీవన్ ప్రమాణ్) సమర్పించడానికి ఈపీఎఫ్ఓ ఆఫీసుల చుట్టూ తిరగాల్సిన పనిలేదు. కేవలం చేతిలో ఉన్న స్మార్ట్‌ఫోన్‌లోని ఫేస్ ఆథెంటికేషన్ సాంకేతికత ద్వారా నిమిషాల్లోనే ఇంటి వద్ద నుంచే ఈ ప్రక్రియను పూర్తి చేయవచ్చు.

కేంద్ర పింఛను, పెన్షనర్ల సంక్షేమ శాఖ ఆధ్వర్యంలో నవంబర్ 1 నుంచి 30 వరకు దేశవ్యాప్తంగా నిర్వహించనున్న '5వ జాతీయ డిజిటల్ లైఫ్ సర్టిఫికెట్ ప్రచారం'లో భాగంగా ఈ డిజిటల్ సేవలను ఈపీఎఫ్ఓ విస్తృతం చేస్తోంది.

వృద్ధాప్యం, అస్వస్థత లేదా సుదూర ప్రాంతాల్లో నివసించడం వల్ల ఏటా నవంబర్ నెలలో పెన్షన్ ఆఫీస...