భారతదేశం, ఏప్రిల్ 20 -- TECNO POP X 5G : నేటి డిజిటల్ యుగంలో 5జీ కనెక్టివిటీ అనేది కనీస అవసరంగా మారింది. అయితే, 5జీతో పాటు తక్కువ ధరలో మంచి బ్యాటరీ బ్యాకప్, దృఢత్వం కలిగిన ఫోన్ల కోసం వెతుకుతున్న వినియోగదారుల కోసం టెక్నో సంస్థ 'పాప్ ఎక్స్' స్మార్ట్​ఫోన్​ని తీసుకొచ్చింది. ఈ ఫోన్ కేవలం వేగం మాత్రమే కాకుండా, స్మార్ట్ ఏఐ ఫీచర్లు, అధునాతన డిజైన్‌తో ఆకట్టుకుంటోంది. ఏప్రిల్ 24 నుంచి ఈ ఫోన్ అమ్మకాలు ప్రారంభం కానున్నాయి. వివరాల్లోకి వెళితే..

ఈ బడ్జెట్​ ఫ్రెండ్లీ స్మార్ట్‌ఫోన్ చూడటానికి ఎంతో స్లిమ్‌గా (8.18 ఎంఎం) ఉండి, చేతిలో పట్టుకోవడానికి సౌకర్యవంతంగా ఉంటుంది. దీని వెనుక భాగంలో ఉన్న కెమెరా సెటప్ ఐఫోన్ ఎయిర్ శైలిని తలపిస్తోంది. ఈ కెమెరా డెకోను 'ఏరోస్పేస్ గ్రేడ్ అల్యూమినియం'తో తయారు చేశారు, ఇది ఫోన్‌కు గ్లాసీ లుక్‌తో పాటు మరింత దృఢత్వాన్ని ఇస్తుంది...