భారతదేశం, జూలై 23 -- "విజయం సాధించడంపై కాకుండా, చేసే పనిపై శ్రద్ధ పెట్టడమే నిజమైన విజయానికి మూలస్తంభం. విజయం కోసం పాకులాడకుండా. తమ పనిలో లీనమైపోయే వారికే అది సహజంగా లభిస్తుంది" అని ప్రముఖ అమెరికన్ రచయిత, తత్వవేత్త హెన్రీ డేవిడ్ తోరో పేర్కొన్నారు.

అమెరికన్ కవి, ప్రకృతి ప్రేమికుడైన తోరో ఆడంబరమైన జీవనశైలిని వదిలి, ప్రశాంతమైన వాతావరణంలో స్వయంగా ఆలోచించి ఈ సత్యాన్ని ఆవిష్కరించారు. ఫలితాల గురించి పట్టించుకోవద్దని చెప్పడం ఆయన ఉద్దేశం కాదు.. అసలైన విజయం ఎక్కడి నుండి పుడుతుందో వివరించడమే ఆయన లక్ష్యం.

విజయాన్ని సూటిగా తరిమితే, అది దూరంగా పారిపోతుంది. ప్రతిష్టాత్మక లక్ష్యాలను నిర్దేశించుకునే చాలామంది ఎదుర్కొనే విచిత్ర పరిస్థితి ఇది. గమ్యం పైనే నిరంతరం దృష్టి పెట్టినప్పుడు, ఆ గమ్యానికి చేర్చే పని దెబ్బతింటుంది. నిజానికి మనం చేసే పనిలోనే విజయానికి ప...