భారతదేశం, నవంబర్ 18 -- దేశీయ స్టాక్ మార్కెట్లో మరో భారీ ప్రభుత్వ రంగ సంస్థ పబ్లిక్ ఇష్యూకు సిద్ధమైంది. ప్రభుత్వ రంగ బొగ్గు దిగ్గజం కోల్ ఇండియాకు అత్యధిక లాభాలను తెచ్చిపెట్టే అనుబంధ సంస్థ 'మహానది కోల్‌ఫీల్డ్స్ లిమిటెడ్' (ఎంసీఎల్) రూ.8,981 కోట్ల ఐపీఓతో ఇన్వెస్టర్ల ముందుకు వస్తోంది. పూర్తిగా ఆఫర్ ఫర్ సేల్ (ఓఎఫ్ఎస్) పద్ధతిలో వస్తున్న ఈ ఇష్యూలో కొత్త షేర్లు ఏవీ జారీ చేయడం లేదు. కోల్ ఇండియా తన వద్ద ఉన్న 10 శాతం వాటాను విక్రయిస్తోంది. నవంబర్ 19న ప్రారంభమయ్యే ఈ ఐపీఓ నవంబర్ 23న ముగుస్తుంది.

షేరు ధరల శ్రేణిని (ప్రైస్ బ్యాండ్) రూ.129 నుంచి రూ.136 మధ్య నిర్ణయించారు. గరిష్ఠ ధర వద్ద మహానది కోల్‌ఫీల్డ్స్ మార్కెట్ విలువ సుమారు రూ.90,000 కోట్లుగా ఉంటుంది. దేశీయ బొగ్గు ఉత్పత్తిలో ఐదో వంతుకు పైగా వాటా కలిగిన ఈ సంస్థ 2025-26 ఆర్థిక సంవత్సరంలో (ఎఫ్‌వై26) 218...