భారతదేశం, సెప్టెంబర్ 18 -- జ్యోతిష్య శాస్త్రంలో గ్రహాల సంచారానికి అత్యంత ప్రాధాన్యత ఉంది. ముఖ్యంగా ఛాయా గ్రహాలైన రాహు-కేతువుల గమనం మానవ జీవితాలపై, దేశ ప్రపంచ పరిస్థితులపై తీవ్ర ప్రభావం చూపుతుందని నమ్ముతారు.

సాధారణంగా ఈ రెండు గ్రహాలు దాదాపు 18 నెలల పాటు ఒకే రాశిలో సంచరించి ఆ తర్వాత వేరే రాశిలోకి మారుతుంటాయి. ఈ క్రమంలోనే 2026 సంవత్సరం ముగిసే సమయానికి ఈ రెండు శక్తివంతమైన గ్రహాలు తమ స్థానాలను మార్చుకోబోతున్నాయి. ఈ కీలక పరిణామం 2026 డిసెంబర్ 5న జరగనుంది. జ్యోతిష్య నిపుణుల అంచనాల ప్రకారం ఈ రాశి మార్పు అన్ని రాశులపై విభిన్నమైన ప్రభావాలను చూపనుంది.

ఖగోళ, జ్యోతిష్య గణనల ప్రకారం 2026 డిసెంబర్ 5వ తేదీ రాత్రి 10:32 నిమిషాలకు రాహువు, కేతువులు ఏకకాలంలో రాశులు మారుతున్నారు. ఇప్పటివరకు కుంభరాశిలో సంచరిస్తున్న రాహువు ఇకపై మకర రాశిలోకి అడుగుపెడతారు. అలాగ...