భారతదేశం, అక్టోబర్ 16 -- తెలంగాణ విద్యాశాఖ విద్యార్థుల భవిష్యత్తును తీర్చిదిద్దేందుకు మరో కీలక నిర్ణయం తీసుకుంది. 2026-27 విద్యాసంవత్సరం నుంచి రాష్ట్రంలోని మోడల్ పాఠశాలల్లో 29 యంగ్ ఇండియా ఇన్‌స్టిట్యూట్స్ ఆఫ్ ఎక్సలెన్స్(YIEs) సెంటర్లను ఏర్పాటు చేయాలని ప్రభుత్వం ఉత్తర్వులు జారీ చేసింది. ఈ కేంద్రాల ద్వారా జాతీయ స్థాయి పోటీ పరీక్షలైన ఐఐటీ-జేఈఈ, నీట్, క్లాట్ పరీక్షలకు ఉచిత కోచింగ్ అందించనున్నారు. ఈ ప్రతిష్టాత్మక పథకం ద్వారా రాష్ట్రవ్యాప్తంగా దాదాపు 3,920 మంది పేద, ప్రతిభావంతులైన విద్యార్థులకు ఉచిత శిక్షణ పొందనున్నారు. ఈ మేరకు పాఠశాల విద్య డైరెక్టర్ అధికారిక ప్రకటన విడుదల చేశారు.

రాష్ట్రంలోని మొత్తం 33 జిల్లాలకు గాను భద్రాద్రి కొత్తగూడెం, హైదరాబాద్, జోగులాంబ గద్వాల, మేడ్చల్-మల్కాజిగిరి మినహా మిగిలిన 29 జిల్లాల్లో ఒక్కో యంగ్ ఇండియా ఇన్‌స్టిట్య...