భారతదేశం, అక్టోబర్ 23 -- ఉమ్మడి ఆదిలాబాద్ జిల్లాలోని గిరిజన, అటవీ ప్రాంతాల ఆయకట్టుకు సాగునీరు అందించడమే లక్ష్యంగా తుమ్మిడిహెట్టి బ్యారేజీ నిర్మాణాన్ని వేగవంతం చేసేందుకు తెలంగాణ ప్రభుత్వం కసరత్తు వేగవంతం చేసింది. ఈ క్రమంలో మహారాష్ట్ర ప్రభుత్వంతో త్వరలో జరగనున్న కీలకమైన ద్వైపాక్షిక చర్చలకు పూర్తిస్థాయి సాంకేతిక ఆధారాలతో సిద్ధంగా ఉండాలని రాష్ట్ర ముఖ్యమంత్రి రేవంత్ రెడ్డి నీటిపారుదల శాఖ ఉన్నతాధికారులను ఆదేశించారు.

ఈ నెల 23వ తేదీ తర్వాత ప్రాజెక్టు చర్చల నిమిత్తం ఆహ్వానిస్తానని మహారాష్ట్ర ముఖ్యమంత్రి దేవేంద్ర ఫడ్నవీస్ ఇటీవల సూచనప్రాయంగా తెలిపిన నేపథ్యంలో సీఎం రేవంత్ రెడ్డి సచివాలయంలో ప్రత్యేక సమీక్షా సమావేశం నిర్వహించారు. ఈ సమావేశంలో ఉప ముఖ్యమంత్రి భట్టి విక్రమార్క, మంత్రులు ఉత్తమ్ కుమార్ రెడ్డి, దుద్దిళ్ల శ్రీధర్ బాబు, జూపల్లి కృష్ణారావు, ఎంప...