ఈరోజు ఇందిరా ఏకాదశి వ్రతం చేసేవారు ఈ పనులకు దూరంగా ఉండాలి.. పురాణాల్లో చెప్పిన నియమాలు!

భారతదేశం, అక్టోబర్ 6 -- హిందూ సనాతన ధర్మంలో పితృ పక్షంలో వచ్చే ఇందిరా ఏకాదశికి అత్యంత విశిష్టత ఉంది. వైకుంఠ ప్రాప్తిని పొందలేక, యమరాజ భటుల చేతిలో కష్టాలు అనుభవిస్తున్న పూర్వీకులకు మోక్షాన్ని ప్రసాదించడంలో ఈ వ్రతం ఎంతో శక్తివంతమైనదిగా భావిస్తారు. ఈ పవిత్ర రోజున ఉపవాసం ఉండి, పూర్వీకుల పేరిట శ్రాద్ధ తర్పణాలు సమర్పించి, బ్రాహ్మణులకు దానధర్మాలు చేయడం ద్వారా పితృ దేవతలకు సద్గతి కలుగుతుందని పురాణాలు స్పష్టం చేస్తున్నాయి. అయితే, ఈ వ్రతాన్ని ఆచరించే వారు కొన్ని కఠినమైన నియమాలను విధిగా పాటించాల్సి ఉంటుంది.

ఏకాదశి వ్రత నిబంధనలు కేవలం ఆ ఒక్క రోజుతో ముగియవు. ఈ వ్రతం దశమి తిథి నుంచే ప్రారంభమవుతుంది. దశమి రోజు రాత్రి పూట తామసిక ఆహారాలకు పూర్తిగా దూరంగా ఉండాలి. ఆ రోజు కేవలం ఒక్క పూట మాత్రమే భోజనం చేయడం మంచిది. ఎట్టి పరిస్థితుల్లోనూ ఆ రోజు భోజనంలో బియ్యం...