नई दिल्ली,Bangalore, ಮೇ 28 -- 18ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಗುಂಪು ಹಂತದ ಪಂದ್ಯಗಳು ಮುಕ್ತಾಯಗೊಂಡಿವೆ. ಇನ್ನೇನಿದ್ದರೂ ಪ್ಲೇಆಫ್​ ಹೋರಾಟ. ಮೇ 29ರಿಂದಲೇ ಈ ಪಂದ್ಯಗಳು ಆರಂಭವಾಗಲಿವೆ. ಈ 70 ಲೀಗ್ ಪಂದ್ಯಗಳ ಬಳಿಕ ಚೆನ್ನೈ ಸೂಪರ್ ಕಿಂಗ್ಸ್ ಸ್ಪಿನ್ನರ್​ ನೂರ್​ ಅಹ್ಮದ್ 24 ವಿಕೆಟ್​ಗಳೊಂದಿಗೆ ಪರ್ಪಲ್​ ಕ್ಯಾಪ್​​ ಪಡೆದಿದ್ದಾರೆ. ಆದರೆ, ಸಿಎಸ್​ಕೆ ಪ್ಲೇಆಫ್ ತಲುಪದ ಕಾರಣ ನೂರ್ ಅಹ್ಮದ್​ ಅವರ ಬಳಿಯೇ ಪರ್ಪಲ್​ ಕ್ಯಾಪ್ ಉಳಿಯುವುದು ಅಸಾಧ್ಯವಾಗಿದೆ. ಏಕೆಂದರೆ ಈ ಕ್ಯಾಪ್ ಪಡೆಯಲು ಇನ್ನೂ ಐವರು ರೇಸ್​​ನಲ್ಲಿದ್ದಾರೆ. ಸದ್ಯಕ್ಕೀಗ ಪರ್ಪಲ್​ಕ್ಯಾಪ್ ರೇಸ್​​​ನಲ್ಲಿ ಇರುವವರು ಯಾರು? ಇಲ್ಲಿದೆ ಪಟ್ಟಿ.

ಗುಜರಾತ್ ಟೈಟಾನ್ಸ್​​ ವೇಗಿ ಪ್ರಸಿದ್ಧ್ ಕೃಷ್ಣ 23 ವಿಕೆಟ್​ಗಳೊಂದಿಗೆ ಅತಿ ಹೆಚ್ಚು ವಿಕೆಟ್ ಪಡೆದವರ ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿದ್ದಾರೆ. ಅಗ್ರಸ್ಥಾನಿ ನೂರ್ ಅಹ್ಮದ್​ ಮತ್ತು ತನ್ನ ನಡುವೆ ಕೇವಲ ಒಂದು ವಿಕೆಟ್ ಅಂತರವಿದೆ. ಇದೀಗ ಜಿಟಿ ಎಲಿಮಿನೇಟರ್​​ನಲ್ಲಿ ಮೇ 30ರಂದು ಮುಂಬೈ ಇಂಡಿಯನ್ಸ್ ವಿರುದ್...