, Sept. 11 -- جموں، 11 ستمبر (یو این آئی) جموں و کشمیر کے کٹھوعہ ضلع کی بنی تحصیل میں ایک کار حادثے کا شکار ہوگئی، جس میں 2 افراد ہلاک اور 3 دیگر زخمی ہوگئے۔پولیس نے بتایا کہ سرتھل میں فوج کی ایک چوکی کے قریب کار حادثے کا شکار ہوئی، جس میں 2 افراد ہلاک اور 3 دیگر زخمی ہوگئے۔پولیس نے بتایا کہ اطلاع ملنے کے بعد بچاؤ کارروائی شروع کی گئی اور تمام زخمیوں کو علاج کے لیے سب ڈسٹرکٹ اسپتال، بنی منتقل کیا گیا۔پولیس نے بتایا کہ علاج کے دوران زخمیوں میں سے 2 نے زخموں کی تاب نہ لاتے ہوئے دم توڑ دیا۔ہلاک ہونے والوں کی شناخت ڈنڈی، بھدرواہ کے رہنے والے 61 سالہ بلونت سنگھ کوتوال اور 29 سالہ مونیکا کوتوال کے طور پر ہوئی ہے۔ زخمیوں کی شناخت جموں کے پرکھو دومانہ کے رہنے والے 59 سالہ پرشانتا کوٹوال، 33 سالہ سوویر کوٹوال اور 33 سالہ وکرم سنگھ کے طور پر ہوئی ہے۔مرکزی وزیر ڈاکٹر جتیندر سنگھ نے ایکس پر ایک پوسٹ میں کہا کہ ''ایم ایل اے دلیپ سنگھ پریہار کا فون موصول ہونے کے بعد سرتھل میں سڑک حادثے کے بارے میں اطلاع دینے پر کٹھوعہ کے ڈپٹی کمشنر راجیش شرما سے بات کی۔''انہوں نے پوسٹ میں کہا کہ گاڑی میں سفر کرنے والے 5 مسافروں میں سے 3 زخمی ہوئے، لیکن بدقسمتی سے ان میں سے 2 نے اپنی جان گنوا دی۔ تیسرے زخمی کو مناسب طبی امداد فراہم کی جا رہی ہے۔انہوں نے پوسٹ میں کہا کہ ''سوگوار خاندانوں کے ساتھ میری دلی تعزیت۔ میرا دفتر ضلعی انتظامیہ کے ساتھ مسلسل رابطے میں ہے۔''.
हिंदी हिन्दुस्तान की स्वीकृति से एचटीडीएस कॉन्टेंट सर्विसेज़ द्वारा प्रकाशित