భారతదేశం, ఏప్రిల్ 27 -- హిందూ ధర్మంలో ఏకాదశి తిథికి ఉన్న ప్రాముఖ్యత గురించి ప్రత్యేకంగా చెప్పక్కర్లేదు. ఏడాదిలో వచ్చే 24 ఏకాదశుల్లో వైశాఖ మాస శుక్ల పక్షంలో వచ్చే 'మోహినీ ఏకాదశి' అత్యంత శక్తివంతమైనదిగా పండితులు చెబుతుంటారు. ఈ ఏడాది ఏప్రిల్ 27, సోమవారం నాడు అనగా ఈరోజు ఈ పర్వదినాన్ని భక్తులు భక్తిశ్రద్ధలతో జరుపుకుంటున్నారు. ఈ రోజున ఉపవాసం ఉండి శ్రీమహావిష్ణువును ఆరాధిస్తే, తెలిసో తెలియక చేసిన పాపాలన్నీ నశించి, సుఖసంతోషాలు కలుగుతాయని భక్తుల నమ్మకం. సాక్షాత్తు శ్రీరామచంద్రుడు, ధర్మరాజు కూడా ఈ వ్రతాన్ని ఆచరించినట్లు మన పురాణాల్లో పేర్కొన్నారు.

జ్యోతిష్య శాస్త్ర లెక్కల ప్రకారం.. వైశాఖ శుక్ల ఏకాదశి తిథి ఏప్రిల్ 26వ తేదీ సాయంత్రం 06:08 గంటలకు ప్రారంభమై, ఏప్రిల్ 27వ తేదీ రాత్రి 09:19 గంటల వరకు ఉంటుంది. సూర్యోదయ తిథిని పరిగణనలోకి తీసుకుంటే, ఏప్రిల్ ...