భారతదేశం, మే 3 -- ఐపీఎల్​లో ఐదుసార్లు ఛాంపియన్‌గా నిలిచిన ముంబై ఇండియన్స్ (ఎంఐ) పరిస్థితి ఈ 2026 సీజన్​లో మాత్రం అగమ్యగోచరంగా తయారైంది! శనివారం చెన్నై సూపర్ కింగ్స్‌తో జరిగిన మ్యాచ్‌లో ఘోర పరాజయం పాలైంది. ఫలితంగా ఈ సీజన్‌లో ఆడిన 9 మ్యాచ్‌ల్లో ముంబై 7 మ్యాచ్​ల్లో ఓడిపోయింది. ప్రస్తుతం పాయింట్ల పట్టికలో 9వ స్థానంలో ఉన్న హార్దిక్ పాండ్యా సేన.. ఐపీఎల్​ 2026 ప్లేఆఫ్స్ రేసులో నిలవాలంటే ఇప్పుడు అద్భుతమే జరగాల్సిందే!

ముంబై ఇండియన్స్​కు ఇంకా 5 మ్యాచ్‌లు మిగిలి ఉన్నాయి. ఒకవేళ ఐదింటికి ఐదు మ్యాచ్‌లు గెలిచినా, ఆ జట్టు గరిష్టంగా 14 పాయింట్లకు మాత్రమే చేరుకోగలదు. సాధారణంగా 10 జట్లు ఉన్న ఐపీఎల్ టోర్నీలో 16 పాయింట్లు ఉంటేనే టాప్-4లో చోటు గ్యారెంటీ అని చెప్పవచ్చు. 14 పాయింట్లతో ప్లేఆఫ్స్‌కు వెళ్లడం అసాధ్యం కాకపోయినా, అది ఇతర జట్ల గెలుపోటములపై, నెట్ రన్-ర...