భారతదేశం, ఏప్రిల్ 8 -- మనం ఆరోగ్యంగా ఉండాలంటే కేవలం గంటల తరబడి వ్యాయామం చేయడం లేదా కఠినమైన ఆహార నియమాలు పాటించడం మాత్రమే సరిపోదు. మన వంటింట్లో మనం చేసే చిన్న చిన్న మార్పులే మనల్ని దీర్ఘకాలం పాటు ఆరోగ్యంగా ఉంచుతాయి. ముఖ్యంగా మనం రోజూ వాడే ఐదు తెల్లని పదార్థాల పట్ల చాలా జాగ్రత్తగా ఉండాలని ఢిల్లీలోని ఆశ్లోక్ ఆసుపత్రి వ్యవస్థాపక డైరెక్టర్, ప్రముఖ కార్డియాలజిస్ట్ డాక్టర్ అలోక్ చోప్రా సూచిస్తున్నారు.

సుమారు 40 ఏళ్లకు పైగా వైద్య రంగంలో అనుభవం ఉన్న డాక్టర్ అలోక్ చోప్రా ఇటీవల సోషల్ మీడియా వేదికగా ప్రజలకు ఒక కీలక సందేశాన్ని ఇచ్చారు. "మనం ఏమి తింటామో అదే మన ఆరోగ్యాన్ని నిర్ణయిస్తుంది. మీ శరీరం స్వచ్ఛమైన, పోషకాలతో కూడిన ఆహారానికి అర్హమైనది," అని ఆయన పేర్కొన్నారు. సాధారణంగా ఆహార పదార్థాలు ఎంత తెల్లగా, ఆకర్షణీయంగా మెరిసిపోతుంటే, అందులో పోషకాలు అంతగా త...